L-għanijiet u r-raġunijiet ta’ dan l-Abbozz ta’ Liġi huma sabiex tiġi estiża d-durata permissibbli għal kiri ta’ spazji residenzjali kondiviżi; li jiġu regolati l-istanzi ta’ tiġdid espress tal-kirja, sostituzzjonijiet tal-kerrejja, żidiet ta’ kerrejja, terminazzjonijiet kunsenswali; li jiġu mwessa’ s-setgħat tal-Awtorità fil-proċeduri ta’ infurzar skont id-dispożizzjonijiet ta’ dan l-Att; li titwessa’ l-kompetenza tal-Panel tal-Arbitraġġ; li tipprovdi għal reġistru ta’ persuni li ma jonorawx id-deċiżjonijiet tal-istess Panel tal-Arbitraġġ; li tintroduċi proċedura għall-komunikazzjoni ta’ data personali lil partijiet privati, u sabiex isiru emendi oħra dwar il-kirjiet regolati taħt il-Kodiċi Ċivili (Kap. 16).