Il-Kumitat Permanenti dwar il-Ħatriet Pubbliċi, li twaqqaf permezz ta’ Att II tal-2018 - Att li jemenda l-Att dwar l-Amministrazzjoni Pubblika, għandu s-setgħa li jwettaq smigħ ta’ qabel ħatriet tal-persuni nominati għal ħatriet pubbliċi msemmija fit-Tieni Taqsima tal-Ħames Skeda tal-istess Att. L-ewwel Kumitat Permanenti dwar il-Ħatriet Pubbliċi twaqqaf permezz ta’ Mozzjoni Nru. 103 li ġiet approvata mill-Kamra fil-5 ta’ Marzu 2018.