L-għanijiet u r-raġunijiet ta’ dan l-Abbozz ta’ Liġi huma sabiex jikkjarifikaw li l-ġuriżdizzjoni tat-Tribunal Industrijali f’każijiet ta’ tkeċċija inġusta mhuwiex ristrett għal kuntratti ta’ servizz għal żmien bla limitu. It-Tribunal Indusrijali għandu ġuriżdizzjoni li jisma’ u jiddeċiedi każi ta’ terminazzjoni inġusta ta’ kuntratti ta’ servizz għal perjodu ta’ żmien fiss. L-Abbozz ta’ Liġi jikkjarifika wkoll id-dispożizzjonijiet applikabbli għall-kuntratti ta’ servizz għal perjodu ta’ żmien fiss u jelimina diskrepanzi bejn dispożizzjonijiet li għandhom x’jaqsmu ma’ kuntratti ta’ servizz għal perjodu ta’ żmien fiss.