L-għanijiet u r-raġunijiet ta’ dan l-Abbozz huwa li jipprovdi għall-possibbiltà ta' rilokazzjoni tal-uffiċċji tar-Reġistru Pubbliku f'Malta u Għawdex. L-għan ta’ dan l-Abbozz ta’ Liġi huwa wkoll sabiex tiġi simplifikata, meta jittieħdu in konsiderazzjoni l-mezzi elettroniċi disponibbli għall-pubbliku, in-notifikazzjoni tat-twelid ta’ tarbija kif ukoll in-notifiki tal-mewt. L-Abbozz jaħseb għal notifikazzjoni tat-trabi b’mod elettroniku, liema notifikazzjoni jkollha l-istess effett tan-notifikazzjoni li ssir billi ġenitur jaċċedi personalment sabiex jagħmel tali notifikazzjoni. L-Abbozz jaħseb ukoll għan-notifika tal-mewt b’mod elettroniku liema notifika jkollha l-istess effett tan-notifika li ssir billi persuna taċċedi personalment sabiex tagħmel tali notifika.