L-għanijiet u r-raġunijiet ta’ dan l-Abbozz ta’ Liġi huma li l-ewwel nett tiġi mwaqqfa għall-ewwel darba Kummissjoni Nazzjonali għad-Drittijiet tal-Bniedem u l-Ugwaljanza skont il-Prinċipji dwar l-Istatus tal-Istituzzjonijiet Nazzjonali (Prinċipji ta’ Pariġi) u li din tingħata poteri wiesgħa sabiex tissalvagwardja d-dinjità u d-drittijiet tal-individwu, jiġi regolat l-operat indipendenti u imparzjali tagħha u jikkonsolida l-liġijiet u r-regolamenti rilevanti taħt Att wieħed, jiġi mħassar u sostitwit l-Att dwar l-Ugwaljanza għall-Irġiel u n-Nisa (Kap. 456), u sabiex għall-ewwel darba jiġi introdott fil-liġi Maltija l-Artikolu 1 tat-Tnax-il Protokoll tal-Konvenzjoni għall-Protezzjoni tad-Drittijiet tal-Bniedem u Libertajiet Fundamentali, b’hekk tiġi provduta aktar protezzjoni għall-individwu minn kwalunkwe xorta ta’ diskriminazzjoni.