L-għanijiet u r-raġunijiet ta’ dan l-Abbozz huma li filwaqt li s-solitudni tkun rikonoxxuta bħala kwistjoni ta’ importanza soċjali u ta’ saħħa pubblika, l-Istat jirrikonoxxi l-obbligu pożittiv tal-Gvern li javvanza politika biex jiġġieled is-solitudni u jsaħħaħ il-konnessjoni soċjali u l-parteċipazzjoni fil-komunità. L-Uffiċċju tal-Kummissarju għall-Organizzazzjonijiet Volontarji qed jiġi msaħħaħ b’mod sinifikanti, billi jkollu d-dmir li jkun ħolqa ewlenija għal dan il-għan, għall-benesseri sħiħ tas-soċjetà Maltija, bħala pilastru ewlieni tal-bini tal-futur ta’ pajjiżna.