L-għanijiet u r-raġunijiet ta’ dan l-Abbozz ta’ Liġi huma maħsuba sabiex tinħoloq distinzjoni ċara bejn ir-Reġistru Pubbliku (Sezzjoni tal-Insinwi u tar-Riċerki) u r-Reġistru Pubbliku (Sezzjoni tal-Atti ta’ Stat Ċivili), kif ukoll sabiex isiru emendi oħra għall-Kodiċi Ċivili u għall-Att dwar ir-Reġistru Pubbliku, sabiex kemm in-Nutara Pubbliċi kif ukoll il-pubbliku inġenerali ikunu jistgħu jgawdu minn servizz ġust li jirrispetta aħjar id-drittjiet tal-individwu, bis-sostenn ta’ mezzi elettroniċi u bil-firma elettronika kwalifikata.