L-għanijiet u r-raġunijiet ta’ dan l-Abbozz ta’ liġi huma sabiex jistabbilixxu mill-ġdid it-Tribunal ta’ Reviżjoni tal-Ambjent u l-Ippjanar bħala aġġudikatur verament indipendenti u imparzjali, li jipprovdi għal garanzija ta’ kariga, kriterji definiti b’mod ċar għall-ħatra u t-tneħħija ta’ membri u garanziji ta’ awtonomija istituzzjonali skont standards kostituzzjonali u Ewropej ta’ ġustizzja amministrattiva, billi jintroduċi u jistabbilixxi proċeduri ġodda, sospensjoni ta’ permessi meta appell jiġi ppreżentat minn terza persuna interessata jew konsulent estern fir-rigward ta’ applikazzjoni għall-ippjanar, standards vinkolanti għat-teħid ta’ deċiżjonijiet, jagħti finalità lid-determinazzjonijiet fattwali, u jintroduċi skadenzi obbligatorji sabiex jagħti effiċjenza lill-proċess. Barra minn hekk, dan l-Abbozz jipprovdi għas-simplifikazzjoni tal-proċessi, kunċett ta’ preżentazzjoni u notifika diġitali, kontroll kontra abbużi u setgħat korrettivi wesgħin biex jiżgura ġustizzja effettiva u moderna.