L-għanijiet u r-raġunijiet ta' dan l-Abbozz ta' Liġi huma sabiex jiffaċilitaw l-introduzzjoni mill-ġdid u r-riabilitazzjoni fis-soċjetà ta' persuni li jkunu ġew ikkundannati għal piena kriminali, billi jnaqqsu l-ostakoli li jħabbtu wiċċhom magħhom tali persuni li jippruvaw jintegraw ruħhom wara li jkunu skontaw is-sentenzi tagħhom. Dan l-Abbozz jinkwadra f’xenarju iktar wiesgħa li jinkludi l-ġustizzja riparatriċi, is-sapport lill-vittmi u t-titjib fil-kwalità tal-miżuri korrettivi inġenerali.