L-għanijiet u raġunijiet ta’ dan l-Abbozz ta’ Liġi huma sabiex jiġi stabbilit qafas għar-rekwiżiti applikabbli għal offerti lill-pubbliku u l-ammissjoni għan-negozjar fuq pjattaforma ta’ negozju ta’ tokens irreferenzjati ma’ assi, tokens ta’ flus elettroniċi u kriptoassi oħra, u r-rekwiżiti applikabbli għal fornituri ta’ servizz ta’ kriptoassi u sabiex jimplimenta u jagħti effett lid-dispożizzjonijiet rilevanti tar-Regolament (UE) 2023/1114 tal-Parlament Ewropew u tal-Kunsill tal-31 ta’ Mejju 2023 dwar is-swieq fil-kriptoassi, u li jemenda r-Regolamenti (UE) Nru 1093/2010 u (UE) Nru 1095/2010 u d-Direttivi 2013/36/UE u (UE) 2019/1937. Barra minn hekk, id-dispożizzjonijiet ta’ dan l- Abbozz ta’ Liġi huma intiżi li jimplementaw l-emendi neċessarji għall-Att dwar l-Attiv Finanzjarju Virtwali (Kap. 590) fid-dawl tal-imsemmi Regolament.