L-għanijiet u r-raġunijiet ta’ dan l-Abbozz ta’ Liġi huma sabiex jipprovdu għat-trasferiment tar-reġistru nazzjonali tar-rekords kriminali u responsabbiltajiet anċillari mill-Kummissarju tal-Pulizija għad-Direttur, Dipartiment tal-Ġustizzja fi ħdan il-Ministeru responsabbli għall-Ġustizzja. Dan għandu jippermetti lill-Pulizija Eżekuttiva sabiex tiffoka fuq il-prevenzjoni u l-investigazzjoni ta’ reati u l-infurzar tal-liġi.