L-għanijiet u r-raġunijiet ta’ dan l-Abbozz ta’ Liġi huma sabiex jagħti s-setgħa lill-Qorti sabiex tikkunsidra t-trasferiment tal-kontribuzzjonijiet tas-sigurtà soċjali bejn il-miżżewġin bħala rimedju addizzjonali sabiex ikun jista’ jintlaħaq bilanċ ġust u ekwu bejn il-konjuġi f’każijiet tas-separazzjoni. Partikolarment, fejn waħda mill-konjuġi jkollha nuqqas ta’ kontribuzzjonijiet f’isimha minħabba l-ħtieġa li tieħu ħsieb id-dar, il-parti l-oħra u t-trobbija tat-tfal fiż-żwieġ.