L-għanijiet u r-raġunijiet ta’ dan l-Abbozz ta’ Liġi huma li jgħolli l-età minima għaż-żwieġ għal tmintax (18)-il sena u sabiex jipprovdi li żwieġ li jsir bejn minuri jew bejn persuni li waħda minnhom tkun taħt l-età ta’ tmintax (18)-il sena jkun f’kull każ null u bla effett. L-Abbozz jiċċara t-tifsira ta’ żwieġ li tinsab fid-dispożizzjonijiet kriminali relatati maż-żwieġ furzat sabiex tissaħħaħ aktar il-protezzjoni legali tal-vittmi.