L-għanijiet u r-raġunijiet ta’ dan l-Abbozz ta’ Liġi huma sabiex jindirizzaw id-deċiżjonijiet tal-Qorti tal-Ġustizzja tal-Unjoni Ewropea fil-Kawża C-181/23, Il-Kummissjoni vs Malta. Barra minn hekk, dan l-Abbozz jestendi l-iskadenza tad-data meta r-rabta rikjesta għall-kisba taċ-ċittadinanza permezz tad-dixxendenza titqies li nkisret wara l-mewt tal-ġenitur rilevanti, fejn tali ċirkostanzi jaffettwaw id-dritt ta’ ġenerazzjonijiet sussegwenti li jakkwistaw iċ-ċittadinanza Maltija permezz tad-dixxendenza, jemenda d-dispożżizzjonijiet li jirregolaw iċ-ċittadinanza abbażi tal-mertu, kif ukoll jiċċara r-referenza testwali fil-każ ta’ tfal adottati.