L-għanijiet u r-raġunijiet ta’ dan l-Abbozz ta’ Liġi huma sabiex jipprovdu għall-possibbiltà li jiġi estiż il-perjodu ta’ arrest ta’ persuni raġonevolment suspettati li wettqu reati serji li jistgħu jwasslu għal piena massima ta’ aktar minn tnax-il (12) sena priġunerija sabiex l-investigaturi jkollhom aktar żmien sabiex jiksbu u jippreservaw il-provi.
L-Abbozz ta’ Liġi jipprovdi għal bilanċ xieraq bejn il-protezzjoni tal-pubbliku u l-garanziji tad-drittijiet tal-persuna suspettata permezz tal-introduzzjoni konkorrenti ta’ salvagwardji proċedurali quddiem awtorità ġudizzjarja.