L-għanjiet u raġunijiet ta’ dan l-Abbozz ta’ Liġi huma li jipprovdu għal sistema ta’ monitoraġġ elettroniku għal persuni  kkundannati bilgħan li tissorvelja l-movimenti ta’ persuna soġġetta għal ordni ta’ moniteraġġ eletroniku permezz ta’ apparat elettroniku sigur u li jipprovdi għal kwistjonijiet relatati u anċillari.

Il-qofol ta’ dan l-Abbozz ta’ Liġi jipprovdi li l-moniteraġġ elettroniku jkun jista’ jinħareġ skont Ordni mill-Qrati tal-Ġustizzja,
jew mill-Kap Eżekuttiv tal-Aġenzija għas-Servizzi Korrettiv, jew mill- Bord tal-Parole.

Dan l-Abbozz ta’ Liġi għandu jservi sabiex jiġi sospiż l-obbligu li detenut jkun konfinat fil-Faċilità Korrettiva ta’ Kordin f’sentenzi
minuri, biex b’hekk tkun faċilitata l-integrazzjoni tagħhom lura fissoċjetà, filwaqt li jingħata serħan il-moħħ lill-komunità u lill-vittmi tal-kriminalità.