L-għanijiet u r-raġunijiet ta’ dan l-Abbozz ta’ Liġi huma maħsuba sabiex jiġu pprovduti aktar fondi sabiex ikunu jistgħu jiġu ffinanzjati l-miżuri tal-Budget 2021 u jagħmel tajjeb għal aktar nuqqas ta’ dħul fil-finanzi tal-gvern relatati magħhom. Il-biċċa l-kbira tal-bżonn sabiex jiġu pprovduti aktar fondi hija minħabba li se jinżammu fis-seħħ għall-perijodu ta’ żmien aktar milli kien maħsub oriġinarjament fil-Budget tal-2021, numru ta’ miżuri fiskali ta’ sapport bla preċedent li ġew introdotti fl-2020 sabiex jitnaqqas l-impatt negattiv tal-pandemija tal-COVID-19 fuq l-ekonomija.