L-għan ta’ dan l-Abbozz ta’ Liġi hu sabiex jirregola l-organizzazzjonijiet ta’ intrapriżi soċjali, sabiex jistabbilixxi r-Regolatur u r-Reġistru ta’ Organizzazzjonijiet ta’ Intrapriża Soċjali u sabiex jipprovdi qafas għall-benefiċċji sabiex jitgawdu mill-organizzazzjonijiet ta’ intrapriżi soċjali. Dan l-Abbozz ta’ Liġi jaħseb ukoll għal varjazzjonijiet fil-liġijiet speċjali relatati mal-kumpanniji, soċjetajiet kummerċjali u koperativi sabiex jirriflettu l-prinċipji ta’ dan l-Att u jara li jirrifletti fil-liġi Maltija l-prinċipji previsti fir-Regolament tal-Kummissjoni Ewropea Nru. 651/2014 tas-17 ta’ Ġunju 2014.