L-għan ta’ dan l-Abbozz ta’ Liġi hu sabiex jiġu emendati d-dispożizzjonijiet relevanti tal-liġi biex jiġu devoluti ċerti setgħat fuq il-persuni jew awtoritajiet li bħalissa jagħtu pariri jew rakkomandazzjonijiet lil Ministri, meta l-Ministri huma meħtieġa li jaġixxu fuq ir-rakkomandazzjoni ta’ persuni jew awtoritajiet oħra, jew fejn il-Ministri għandhom japprovaw, jiċċertifikaw jew jiffirmaw deċiżjonijiet meħuda minn tali persuni jew awtoritajiet qabel ma tali deċiżjonijiet jidħlu fisseħħ.