L-għanijiet u r-raġunijiet ta’ dan l-Abbozz huma sabiex jindirizzaw il-problemi rigward d-dritt tal-proprjetà indikati minn ċerti deċiżjonijiet mogħtija mill-Qorti Kostituzzjonali u mill-Qorti Ewropea tad-Drittijiet tal-Bniedem, bil-għan li jinstab bilanċ bejn id-drittijiet tal-proprjetarju
ta’ dar residenzjali u tal-kerrej li jkun fi ħtieġa ta’ protezzjoni. 

L-Abbozz jinkludi wkoll emenda għall-Kodiċi Ċivili li l-għan tagħha hu r-rikonoxximent tal-kontribuzzjoni tal-każini tal-banda lil kultura u l-identità soċjali ta’ Malta u l-protezzjoni tal-każini msemmija minn żgumbrament mill-kwartieri prinċipali tagħhom taħt ċerti ċirkostanzi. 

L-emendi proposti f’kull każ jipprovdu għal kumpens lis-sid u jagħtuh ukoll il-jedd li jikkontesta sitwazzjonijiet ta’ sproporzjonalità.