L-għan ewlieni ta’ dan l-Abbozz ta’ Liġi huwa sabiex iwessa’ l-iskop tal-Bord ta’ Sorveljanza fuq Sanzjonijiet. Ir-Regolamenti dwar Bord ta’ Sorveljanza qed jiġu revokati u, bħala riżultat ta’ dan, id-dispożizzjonijiet ewlenin ta’ dawk ir-regolamenti qed jiżdiedu fl-Att prinċipali, flimkien ma’ dispożizzjonijiet oħra relatati mal-kompożizzjoni u l-funzjonijiet tal-Bord u l-pubblikazzjoni ta’ Regolamenti tal-Kunsill tal-Unjoni Ewropea u ta’ Riżoluzzjonijiet tal-Kunsill tas-Sigurtà tan-Nazzjonijiet Uniti li jaqgħu taħt l-isfera tal-operat tal-Att prinċipali.