L-għanijiet u r-raġunijiet ta’ dan l-Abbozz ta’ Liġi huma biex jipprovdu li persuna li kienet membru tal-Parlament għal mill-inqas leġislatura waħda tirċievi pensjoni taħt l-Att dwar il-Pensjoni tal-Membri tal-Parlament. L-Abbozz ta’ Liġi jiżgura wkoll li s-servizz ta’ dawk il-persuni li servew bħala membri tal-Parlament Ewropew jiġi kkunsidrat bħala servizz skont l-Att dwar il-Pensjoni tal-Membri tal-Parlament. L-Abbozz ta’ Liġi jipprovdi wkoll li persuni li jservu fl-ogħla gradi tas-servizz pubbliku jirċievu pensjoni taħt l-Ordinanza dwar il-Pensjonijiet minkejja li ma jkunux daħlu fis-servizz pubbliku qabel il-15 ta’ Jannar 1979.