L-għanijiet ta’ dan l-Att huma sabiex jiġu emendati d-dispożizzjonijiet tal-Kodiċi Ċivili (Kap. 16) li jirrigwardaw il-liġi fuq il-beni, billi jiddefinixxi r-regoli dwar il-perimetru tal-kosta u l-art ta’mal-plajja, jikklassifika proprjetà li s-sid tagħha hu l-Gvern, jiddefinixxi u jintroduċi regoli dwar il-kunċett ta’ dominju pubbliku u regoli dwar id-dmirijiet ta’ u l-obbligi fuq il-Gvern fl-amministrazzjoni tiegħu ta’ proprjetà fid-dominju pubbliku, jirregola l-proċedura u l-effetti tat-tismija u d-deklassifikazzjoni fir-rigward tad-dominju pubbliku, jintroduċi regoli dwar ir-reġistrazzjoni ta’ proprjetà fid-dominju pubbliku u jindirizza l-impatt tal-emendi fuq drittijiet privati u fuq liġijiet oħra li jirrigwardaw il-kultura jew l-ambjent, jew fuq liġijiet oħra speċjali eżistenti li jaffettwaw proprjetà tal-Gvern.