L-għanijiet u r-raġunijiet ta' dan l-Abbozz ta' Liġi huma sabiex jintroduċu emendi, fl-Att dwar is-Sigurtà Soċjali, dwar kif tiġi kalkolata l-Pensjoni tas-Servizz, il-kreditu ta' kontribuzzjonijiet li jingħata, fost oħrajn, għal xogħol voluntarju jew għall-kura u l-kustodja ta' iben jew bint li jbatu minn xi diżabilità serja, id-dħul pensjonabbli ta' persuni li jkunu aċċettaw li jibbenefikaw minn skema ta' rtirar kmieni, u r-rata ta' pensjoni li titħallas fil-każ ta' resident ta' Servizz Residenzjali finanzjat mill-Istat f'ċerti ċirkostanzi.