L-għan prinċipali ta’ dan l-Abbozz ta’ Liġi huwa dak illi jafferma illi l-persuni kollha għandhom orjentazzjoni sesswali, identità tal-ġeneru u espressjoni tal-ġeneru, u li l-ebda kombinazzjoni ta'
dawn it-tlett karatteristiċi ma jikkostitwixxi diżordni, defiċjenza, diżabilità, marda u, jew nuqqas. Dan l-Abbozz ta’ Liġi jipprojbixxi prattiċi ta’ konverżjoni magħmula kemm minn professjonisti u kif ukoll minn persuni ordinarji kontra l-varjazzjonijiet fl-orjentazzjoni sesswali, identità tal-ġeneru u, jew espressjoni tal-ġeneru, b’mod speċjali fuq persuni vulnerabbli. Dan l-Abbozz ta’ Liġi jipprojbixxi wkoll il-patoloġizzazzjoni ta’ kwalunkwe orjentazzjoni sesswali, identità tal-ġeneru u, jew espressjoni tal-ġeneru.