L-għanijiet ta’ dan l-Abbozz ta’ Liġi huma biex jiġu implimentati d-dispożizzjonijiet tad-Deċiżjoni Qafas tal-Kunsill 2008/675/ĠAI dwar il-konsiderazzjoni ta’ kundanni fi Stati Membri tal-Unjoni Ewropea waqt proċeduri kriminali ġodda, biex timplimenta d-dispożizzjonijiet tad-Deċiżjoni Kwadru tal-Kunsill 2008/841/ĠAI dwar il-ġlieda kontra l-kriminalità organizzata, biex timplimenta d-Deċiżjoni tal-Kunsill 2008/615/ĠAI dwar it-titjib tal-koperazzjoni transkonfinali, b'mod partikolari fil-ġlieda kontra t-terroriżmu u l-kriminalità transkonfinali, biex jiġu ċċarati ċerti dispożizzjonijiet tal-Kodiċi Kriminali, biex jiżdiedu l-pieni fl-artikoli 117 u 121A tal-imsemmi Kodiċi, biex jiġu introdotti emendi dwar l-ordnijiet ta’ iffriżar fl-Ordinanza dwar il-Mediċini Perikolużi u fl-Att kontra Money Laundering, u biex jiżdiedu l-pieni fil-każ ta’ ksur  tad-dispożizzjonijiet tal-Ordinanza dwar l-Esplożivi u fl-Ordinanza dwar il-Qirda tal-Kummerċ fil-Prostituzzjoni, biex isiru emendi fl-Att dwar il-Pulizija fil-funzjonijiet tal-Assoċjazzjoni tal-Pulizija u biex isiru emendi fl-Att dwar l-Immigrazzjoni għar-rigward ta’ deċiżjoni għar-ritorn ta’ immigranti illegali.