L-għanijiet u r-raġunijiet ta’ dan l-Abbozz huma sabiex jiġu emendati liġijiet varji relatati mal-awtonomija personali, senjatament il-Kodiċi ta’ Organizzazzjoni u Proċedura Ċivili, il-Kodiċi Ċivili, l-Att dwar iż-Żwieġ, l-Att dwar Opportunitajiet Indaqs għal Persuni b’Diżabilità u l-Att dwar is-Saħħa Mentali, sabiex jingħata effett aħjar fil-liġi Maltija lid-dispożizzjonijiet tal-Artikolu 12 tal-Konvenzjoni tal-Ġnus Magħquda dwar id-Drittijiet ta’ Persuni b’Diżabilità, b’mod partikolari sabiex jiġi introdott reġim ta’ teħid appoġġat ta’ deċiżjonijiet minflok reġim ta’ kustodja, jitneħħew l-interdizzjoni u l-inabilitazzjoni, jiġi allinjat l-Att dwar iż-Żwieġ mal-leġiżlazzjoni rilevanti, jiġu trattati b’mod ugwali l-persuni taħt il-kompetenza tal-Att dwar is-Saħħa Mentali, u tiġi assenjata s-sorveljanza ta’ miżuri rilevanti lill-Kummissjoni għad-Drittijiet ta’ Persuni b’Diżabilità.