L-għanijiet u raġunijiet ta’ dan l-Abbozz ta’ Liġi huma sabiex jkomplu bl-implientazzjoni tar-riformi tal-ġustizzja fil-qasam tal-proċedura ċivili. L-Abbozz għandu l-għan li jnaqqas ix-xogħol pendenti quddiem il-Qorti tal-Appell billi jipprovdi għall-possibbiltà li l-qorti fi grad ta’ appell tagħti seduta biss f’dawk il-każijiet fejn tqis li dan huwa meħtieġ. L-Abbozz jipprovdi wkoll terminu ta’ żmien mnaqqas għall-ħlas tal-garanzija għall-ispejjeż fir-rigward tal-appelli. Fejn tali garanzija ma tkunx ipprovduta fil-ħin, l-appell jiġi dikjarat deżert. L-Abbozz jipprevedi wkoll limitu ta’ żmien itwal għall-preżentata ta’ appelli u tweġibiet u b’hekk jippermetti li dawn l-atti bil-miktub jitħejjew aħjar.