Dan l-Abbozz jipprovdi għall-approprjazzjoni ta' somma ta' mhux iżjed minn €1,052,953,962 għas-servizz tas-sena finanzjarja 2025 għall-infiq taħt il-Voti li jidhru fl-Ewwel Skeda li tinsab ma' dan l-Abbozz minbarra s-somma ta' €6,477,690,131 approprjata bl-Att Nru. XL tal-2024 u għall-approprjazzjoni ta' somma oħra ta' €38 għas-servizz tas-sena finanzjarja 2025 bi ħlas lura ta' somma ekwivalenti rtirata mill-Fond ta' Kontinġenzi matul is-sena finanzjarja 2025 taħt il-Voti speċifikati fit-Tieni Skeda li tinsab ma' dan l-Abbozz.