L-għanijiet u r-raġunijiet ta’ dan l-Abbozz huma sabiex jiġu introdotti, il-possibilità li jsir l-għadd tal-voti b’mezz elettroniku, il-possibbiltà li l-Advance Voters u l-Assistenti Kummissjonarji Elettorali reġistrati fuq Għawdex jivvutaw f’post f’Għawdex, it-tifsiriet li saru meħtieġa matul iż-żmien fosthom dawk ta’ Uffiċjal tal-Post tal-Votazzjoni, u sabiex l-Att dwar l-Elezzjonijiet Ġenerali (Kap.354) u l-Att dwar Kunsilli Lokali (Kap. 363) jiġu konformi ma’ xulxin fejn jirrigwarda termini u dati ta’ skadenza; preżentamentf’dawn iż-żewġ liġijiet jeżistu differenzi li jxekklu l-operat speċjalment meta jsiru żewġ elezzjonijiet fl-istess jum.