L-għanijiet u r-raġunijiet ta’ dan l-Abbozz ta’ Liġi huma li jirregola u jissorvelja l-industrija tal-bini u l-kostruzzjoni, li jagħmel dispożizzjonijiet għall-ippjanar, il-ġestjoni u l-kontroll tas-settur u li jwaqqaf awtorità b’setgħat relatati mal-bini u l-kostruzzjoni u għal kwistjonijiet relatati magħhom jew anċillari għalihom. L-abbozz jipprovdi wkoll għar-revoka tal-Att dwar ir-Regolament tal-Bini u kwalunkwe leġiżlazzjoni sussidjarja tiegħu u l-Ordni li jistabbilixxi l-Aġenzija tal-Bini u tal-Kostruzzjoni, kif ukoll emendi konsegwenzjali oħra għal-leġiżlazzjoni relattiva.