L-għanijiet u r-raġunijiet prinċipali ta’ dan l-Abbozz ta’ Liġi huma sabiex jipprovdi għall-istabbiliment tal-uffiċċju tad-Direttur għat-Trattament Xieraq tal-Annimali, għall-kompożizzjoni ġdida tal-Kunsill għat-Trattament Xieraq tal-Annimali, għall-ħatra ta’ Kummissarju għat-Trattament Xieraq tal-Annimali u sabiex jagħti setgħat lilhom, jipprovdi għal projbizzjoni dwar l-użu ta’ annimali
fiċ-ċirkli, isaħħaħ s-setgħat ta’ infurzar u jiddefinixxi aħjar is-setgħat tal-uffiċjali għall-ħarsien xieraq tal-annimali li ma kienux speċifikament imsemmija fl-Att prinċipali, u jirrevedi l-multi għal reati magħmula taħt l-Att prinċipali jew regolament magħmulin taħtu.