L-għanijiet ta’ dan l-Abbozz ta’ Liġi huma għat-twaqqif, kompożizzjoni u funzjonijiet tal-Kunsill għal-Lingwa tas-Sinjali ta’ Malta, li qed jitwaqqaf sabiex tintlaħaq sitwazzjoni fejn il-komunità ta’ persuni neqsin mis-smigħ tiġi konsultata f’materji li jirrigwardaw il-Lingwa Maltija tas-Sinjali; l-Abbozz ta’ Liġi jipprovdi wkoll għall-promozzjoni tal-użu u l-iżvilupp tal-Lingwa Maltija tas-Sinjali, waqt li jiddikjara li l-Lingwa Maltija tas-Sinjali għandha titqies bħala lingwa uffiċjali ta’ Malta, u għal ħwejjeġ oħra anċillari jew konsegwenzjali għal dan.