L-għanijiet u raġunijiet ta’ dan l-Abbozz ta’ Liġi huma primarjament biex jirrevedu numru ta’ dispożizzjonijiet fl-Att sabiex tkun evitata diskriminazzjoni kontra żewġ kategoriji ta’ ċittadini: emigranti li jirritornaw li l-użu tal-karta tal-identità tagħhom bħala dokument tal-ivvjaġġar kienet qiegħda tiġi miċħuda għall-ewwel sitt xhur ta’ residenza (billi dan ma kienx japplika fil-każijiet l-oħra
kollha) u ċittadini li ma jkunux f’pożizzjoni li jirreġistraw l-Att ta’ Twelid tagħhom fir-Reġistru Pubbliku (u għalhekk ma jkunux jistgħu japplikaw għal dokument ta’ Identità għaliex in-numru tad-dokument tal-identità kien marbut esklużivament man-Numru tar-Reġistru Pubbliku). Emenda waħda addizzjonali tikkjarifika li l-indirizz li għandu jiġi reġistrat fid-dokument ta’ Identità għandu jinsab fil-Gżejjer Maltin.