L-għanijiet u r-raġunijiet ta' dan l-Abbozz ta' liġi huma sabiex isiru dispożizzjonijiet għall-għotja ta' ċertifikat ta' naturalizzazzjoni bħala ċittadin ta' Malta lil kull persuna li tagħti kontribuzzjoni straordinarja lir-Repubblika ta' Malta taħt il-programm ta' investitur individwali u sabiex isiru dispożizzjoni fir-rigward ta' konjuġi u dipendenti eliġibbli ta' dik il-persuna li tissodisfa l-ħtiġiet tal-programm ta' investitur individwali. DAn l-Abbozz ta' liġi jagħmel ukoll dispożizzjoni għall-monitoraġġ u l-kontroll tal-programm ta' investitur individwali u għall-investigazzjonijiet ta' ilmenti li jkollhom x'jaqsmu miegħu.