L-Għanijiet u Raġunijiet ta' dan l-Abbozz ta' Liġi huma sabiex jitneħħa l-perjodu ta' preskrizzjoni dwar ir-reat ta' korruzzjoni li jsir minn persuni eletti għal kariga politika, u sabiex ikomplu jiġu implimentati d-dispożizzjonijiet tal-Konvenzjoni dwar il-Liġi Kriminali fuq il-Korruzzjoni tal-Kunsill tal-Ewropa. L-abbozz jinkludi wkoll emenda konsegwenzjali għall-Kodiċi Ċivili li teskludi l-eċċezzjoni tal-preskrizzjoni f'kawżi għall-irkupru ta' danni sofferti mill-Gvern, minn Kunsilli Lokali jew minn entitajiet pubbliċi oħra b'riżultat ta' att ta' korruzzjoni ta' detentur elett ta' kariga politika.