L-għanijiet u r-raġunijiet ta’ dan l-Abbozz ta’ Liġi huma sabiex ikun provdut li meta jiskadi t-terminu tal-ħatra ta’ Awditur Ġenerali jew ta’ Deputat Awditur Ġenerali fin-nuqqas ta’ riżoluzzjoni jew tal-approvazzjoni tagħha bil-maġġoranza ta’ żewġ terzi tal-membri kollha tal-Kamra tad-Deputati għall-ħatra ta’ Awditur Ġenerali jew ta’ Deputat Awditur Ġenerali, id-detenturi attwali ta’ dawk il-karigi għandhom jibqgħu fil-kariga sakemm jinħatru Awditur Ġenerali u Deputat Awditur Ġenerali, skont il-każ. Dan f’konformità mal-proċedura applikabbli għal karigi Kostituzzjonali oħra li jeħtieġu vot favur ta’ żewġ terzi tal-membri kollha tal-Kamra.