Dan l-Abbozz jipprovdi għall-approprjazzjoni ta' somma ta' mhux iżjed minn €148,282,988 għas-servizz tas-sena finanzjarja 2011 għall-infiq taħt il-Voti li jidhru fl-Ewwel Skeda li tinsab ma' dan l-Abbozz minbarra s-somma ta' €1,980,611,940 approprjata bl-Att Nru. XV tal-2010 u għall-approprjazzjoni ta' somma oħra ta' €12 għas-servizz tas-sena finanzjarja 2011 bi ħlas lura ta' somma ekwivalenti rtirata mill-Fond ta' Kontinġenzi matul is-sena finanzjarja 2011 taħt il-Voti speċifikati fit-Tieni Skeda li tinsab ma' dan l-Abbozz.