L-għan ta’ dan l-Abbozz hu sabiex isaħħaħ id-diżpożizzjonijiet tal-Att dwar is-Sigurtà Soċjali sabiex dan jipprovdi għal mod aktar ekwu kif diversi gruppi ikunu jistgħu jibbenefikaw minn skemi ta’ irtirar kmieni, l-Allowance Supplimentari u l-bonus addizzjonali. Dan l-abbozz jipproponi wkoll bidla fil-kriterji applikabli għall-persuni li jkunu qegħdin jirreġistraw sabiex dawn jagħmlu xogħol fil-komunità u jistabbilixxi ukoll awtorita kompetenti responsabbli għall-hostels ta’ l-Istat għall-kura u l-welfare ta’ persuni b’diżabilità. Dan l-abbozz jestendi ukoll il-lista ta’ mard u kundizzjonijiet li dwarhom tista’ titħallas għajnuna medika bla ħlas.